GAZAL*

🌹   *GAZAL*   🌹

Koi din yun bhi qatl-e-aam karo
Teer nazron ke be - lagaam karo

Aarzuyen dilon ki dhadkan hain
Aarzuo'on ka ahteraam karo

Apne sar pr beenthaa ke rakkhega
Aate jaate use salaam karo

Ho na insaaf jis hukumat me
Us hukumat ka ikhtetaam karo

Dil mera basti-e-muhobbat hai
Chaar din to yahaan qiyaam karo

Mamba-e-noor ban tum nis din
Qissa-e-shab m'ra tamaam karo

Tosha-e-aakhirat ka kuch apne
Waqt rehte tum intezaam karo

Muamlaa fehmi jis me ho raahi
Zindagani usi ke naam karo

  ....Dr. Yaseen Raahi