🔆 *غزل* 🔆

🔆   *غزل*   🔆

سر پہ اپنے اک کشادہ آسماں ہوتے ہوئے !
بے مکانی خوب اپنی ہے مکاں ہوتے ہوئے !

دل میں آنکھوں میں لبوں پر لفظِ ماں ہوتے ہوئے !
دھوپ کیسے چھو سکے گی سائباں ہوتے ہوئے !

قسمتوں میں جنکی ہیں تاریکیاں لکھی ہوئیں !
وہ ترستے نور کو ہیں کہکشاں ہوتے ہوئے !

حق پرستی کا ڈندھورا پیٹنے والے سبھی !
آج کیوں خاموش ہیں منہ میں زباں ہوتے ہوئے !

ہے عجب محسن کا میرے دیکھئے  راہی مزاج !
روٹھتا مجھ سے بہت ہے مہرباں ہوتے ہوئے !

...ڈاکٹر یاسین راہی