غزل

*اپنی  بیگم  کا پاکر  اشارہ مجھے*
*روز اٹھانا ہے گھر کا پسارا مجھے*

*اسکی خدمت میں حاضر ہوا دفعتاً*
*میری بیگم نے جب بھی پکارا مجھے*

*دیکھنا اسکا مجھکو لگے اس طرح*
*موت کرتی ہو جیسے اشارہ مجھے* 

*ہاتھ میں اپنے لیتی ہے بیلن کبھی*
*دکھ ہی جاتا ہے دن میں ستارا مجھے*

*جھاڑو پوچا کرے میرے رہتے ہوئے*
*یہ تو ہرگز نہ ہوگا گوارا مجھے*

*سیر بیٹی ہے ساسو سوا سیر ہے*
*دونوں دیتے ہیں اکثر سہارا مجھے*

*بولتے ہیں بیویوں کے ستائے ہوئے*
*کاش  رکھتا مرا رب کنوارا مجھے*

*راہی  بکرے کے کٹنے کا وقت آگیا*
*کہہ رہی ہے محبت سے پیارا مجھے* 

۔۔۔۔ڈاکٹر یاسین راہی